BY RU EN
 

Тэхналогіі

1
Тэхналогіі вытворчасці санітарнай керамікі «Керамін»
Для вытворчасці санітарнай керамікі на заводзе «Будфарфор» ААТ «Керамін» прымяняюцца два віды тэхналогіяў:
 
– ліццё з прымяненнем гіпсавых формаў
– ліццё пад высокім ціскам у палімерныя формы
  • Механізаваныя стэнды ліцця ў гіпсавыя формы – традыцыйнае абсталяванне для вытворчасці санітарнай керамікі. Сёння «Керамін» выкарыстоўвае новыя механізаваныя стэнды, гіпсавыя формы ўласнай вытворчасці, якія вырабляюцца на аўтаматычнай устаноўцы з вагавай дазіроўкай і вакуумаваннем. Гэта дазволіла павялічыць абарачальнасць гіпсавых формаў да 100 цыклаў.
  • Аўтаматызаваныя стэнды ліцця пад ціскам у палімерныя формы (італьянскае абсталяванне SACMI) – апошняе дасягненне ў вытворчасці санітарнай керамікі, якое дазваляе значна скараціць час вырабу і павысіць яго якасць. Пры гэтым палімерныя формы, якія выкарыстоўваюцца, маюць значна больш працяглы тэрмін службы – з адной формы магчыма вытворчасць больш за 25 тысяч вырабаў.
У цяперашні час на прадпрыемстве выкарыстоўваюцца два спосабы вытворчасці сантэхнічных вырабаў і абодва яны ўпісваюцца ў агульную тэхналагічную схему вытворчасці, кожны этап якой мы больш падрабязна разгледзім ніжэй.
2
Падрыхтоўка шлікернай суспензіі
Шлікерная суспензія ўяўляе сабой пэўным чынам падрыхтаваную масу з сыравінных матэрыялаў, якія па функцыях, што яны выконваюць, раздзяляюцца на:
  • пластычныя (гліна, каалін) – з’яўляюцца асновай фарміравання структуры чарапка ў працэсе ліцця, сушкі і абпалу
  • збядняючыя (кварцавы пясок, пегматыт, бой вырабаў) – стабілізуюць форму (перашкаджаюць дэфармацыям)
У дадзены момант на заводзе «Будфарфор» для абедзвюх тэхналогій ліцця вырабаў санітарнай керамікі выкарыстоўваецца адзіная шлікерная суспензія. У вытворчасці прымяняецца ў асноўным імпартная сыравіна і матэрыялы з Украіны, Расіі, Германіі, Італіі і іншых краін.
3
Атрыманне паўфабрыката
Для атрымання паўфабрыката на механізаваных стэндах ліцця шлікерная суспензія заліваецца ў гіпсавыя формы, дзе на працягу 1,5–2 гадзін адбываецца фарміраванне чарапка. Пасля гэтага адбываецца зліў збыткоўнага шлікера і сушка вырабу цёплым паветрам на працягу 30–50 хвілін. Тэхналагічны цыкл доўжыцца 3,5–4 гадзіны. Пасля вымання вырабаў з формы адбываецца іх апрацоўка і сушка.
 
Пры вытворчасці паўфабрыката на стэндах ліцця пад высокім ціскам працэс істотна скарачаецца. У палімерную форму, запоўненую шлікернай суспензіяй, падаецца паветра. Пры павелічэнні ціску паветра да 13 бар вада сыходзіць са шлікера праз поры формы. Так утвараецца чарапок. Працэс фарміравання паўфабрыката займае 20–30 хвілін. Пры гэтым ён мае роўную таўшчыню па ўсім аб’ёме, што выключае дэфармацыю вырабу.
 
Самы сучасны комплекс абсталявання для вытворчасці паўфабрыката на заводзе «Будфарфор» складаецца з двух аднаформенных машын ліцця пад ціскам і робата маніпулятара. Ён прызначаны для ліцця складаных вырабаў, якія складаюцца з некалькіх частак. Пры склейванні частак можна атрымаць больш гігіенічны і функцыянальны душавы спосаб апаласквання чашы ўнітаза, а таксама пастамент пад унітазам, які хавае яго ўнутраныя часткі (сіфон, трубу) і надае яму больш эстэтычны выгляд.  
4
Апрацоўка паўфабрыката. Сушка.
Вынутыя з формаў паўфабрыкаты маюць значную вільготнасць, у той час калі вільготнасць вырабаў перад глазураваннем не павінна перавышаць 1%. Таму пасля спецыяльнай апрацоўкі вынутыя з формаў паўфабрыкаты маюць патрэбу ў сушцы. Сушка здзяйсняецца як у працэсе руху на стэлажах (пры тэмпературы каля 30 °С), так і ў аўтаматызаванай канвеернай сушылцы вытворчасці кампаніі Progetti (пры тэмпературы да 100 °С). У сувязі з тым, што вырабленыя па розных тэхналогіях загатоўкі адрозніваюцца па паказчыках вільготнасці (18–20% пасля гіпсавых формаў і 15–17% – пасля палімерных), працягласць іх сушкі мае адрозненні. Для паўфабрыкатаў з гіпсавых формаў яна складае 1–1,5 сутак, з палімерных формаў – ад 17–18 гадзін.
5
Глазураванне
Пасля сушкі паўфабрыкат праходзіць глазураванне – аперацыю, ад якой у значнай ступені залежыць знешні выгляд і якасць гатовага вырабу. Глазураванне паўфабрыката, зробленага па тэхналогіі ліцця як у палімерныя, так і ў гіпсавыя формы, адбываецца на пяці аўтаматычных глазуровачных устаноўках з робатам напылення GA 900 EV вытворчасці кампаніі SACMI. Выкарыстанне дадзеных установак, а таксама якасных імпартных матэрыялаў для прыгатавання глазуры забяспечвае раўнамернае нанясенне глазуры па ўсёй паверхні і высокую белізну вырабаў. Пасля глазуравання на ўмывальнікі і бачкі ўсіх калекцый наносіцца дэколь «Керамін», што робіць санітарную кераміку яшчэ больш пазнавальнай сярод канкурэнтаў. 
6
Абпальванне
Заключнай аперацыяй тэхналагічнага цыклу вытворчасці з’яўляецца абпальванне паўфабрыкатаў у тунэльнай печы італьянскай кампаніі SACMI на працягу 19–22 гадзін. Тэмпература ў печы спачатку паступова павышаецца да 1200 °С, а пасля таксама плаўна адбываецца яе зніжэнне. Падобны тэмпературны рэжым патрабуецца для атрымання якасных вырабаў як у адносінах самога чарапка, так і ў адносінах глазураванага пакрыцця. Выкарыстанне сучаснай печы для абпальвання дазволіла істотна зменшыць верагоднасць такіх дэфектаў, як наколы, засмечванне, закіпанне глазуры. На заводзе «Будфарфор» таксама ўсталявана рамонтная печ, прызначаная для аднаразовага і паўторнага абпальвання для выпраўлення дэфектаў, так званай «лечкі».
7
Сарціроўка
Сарціроўка з’яўляецца заключным этапам сістэмы кантролю якасці, які здзяйсняецца на ўсіх асноўных тэхналагічных стадыях: пасля працэсу ліцця, сушкі, нанясення глазуры.
Усе вырабы строга адпавядаюць стандартам якасці па ДАСТ 30493-96, ДАСТ 15167-93, EN 997, EN 14688.
На этапе сарціроўкі прадукцыя дзеліцца на вырабы 1-га і 2-га гатункаў. 
8
Упакоўка
Перад паступленнем на склад адбываецца камплектацыя і ўпакоўка вырабаў.
 
Унітазы-кампакты камплектуюцца надзейнай імпартнай арматурай вытворчасці Партугаліі, Чэхіі, Расіі; сядзеннямі ўласнай вытворчасці і мацаваннем для мантажу ўнітаза да падлогі.
 
Умывальнікі камплектуюцца храміраваным кальцом для пераліўнай адтуліны і мацаваннем для мантажу ўмывальніка да сцяны.
 
Для ўпакоўкі санітарнай керамікі выкарыстоўваецца пяціслойны гофракардон. Кожны выраб мае індывідуальную ўпакоўку, на якую заводам-вытворцам наносіцца інфармацыйная наклейка, дзе прыведзена ўся неабходная інфармацыя аб вырабе: найменне, камплектнасць, памеры, штрыхкод, вага, нумар упакоўшчыка, дата і час упакоўкі.
 
Для зручнасці транспарціроўкі і захоўвання ўпакаваныя вырабы палеціруюцца на стандартныя еўрападдоны і адпраўляюцца на склад гатовай прадукцыі.

Аб кампаніі

Прадукцыя

Галерэя

Партнёрам

Кар'ера

Дзе набыць