BY RU EN
 

Віды прадукцыі

Санітарная кераміка «Керамін»
Завод «Будфарфор» вырабляе ўнітазы-кампакты, умывальнікі, п’едэсталы, бідэ, пісуары са 100%-нага фарфору – высакаякаснага матэрыялу, якія адрозніваецца мінімальным водапаглынаннем (меней за 1%).
 
У адрозненне ад фаянсавых вырабаў, санітарная кераміка з фарфору больш трывалая і даўгавечная ў эксплуатацыі, простая ў доглядзе і здольная надоўга захоўваць свой першапачатковы знешні выгляд.
 
Тэрмін службы ўнітазаў, умывальнікаў, бідэ, пісуараў з фарфору – 30 гадоў і больш.
Унітазы
Завод «Будфарфор» вырабляе разнастайныя мадэлі ўнітазаў, якія адрозніваюцца адзін ад аднаго па некаторых параметрах.
Па віду ўсталявання:
  • Падлогавыя.  Самы распаўсюджаны від. Усталёўваецца на падлогу, фіксуецца пры дапамозе мацаванняў, якія пастаўляюцца ў камплекце з унітазам. Перавага мадэлі – простасць усталёўвання.
  • Кансольныя. Мацуюцца да сцяны на пэўнай вышыні ад падлогі. Змыўны бачок у кансольнага ўнітаза звычайна выкананы з трывалага пластыку і манціруецца ў сцяну разам з інсталяцыяй. На паверхні застаецца толькі кнопка спуску вады. Механізмы бачка выкананы так, што пры неабходнасці ён вымаецца праз адтуліну для кнопкі спуску. Перавагі мадэлі – эканомія месца, простасць прыбірання памяшкання, больш эстэтычны знешні выгляд.

Па віду чашы:

  • Унітазы з казырковымі чашамі. Задняя сценка ўнітаза размешчана з нахілам наперад адносна падлогі. Вада сыходзіць плаўна пад вуглом, што дазваляе пазбегнуць пырскаў і распаўсюджання пахаў.
  • Унітазы з варонкавіднымі чашамі. Такая форма лічыцца найбольш гігіенічнай і эканамічнай па расходу вады. Дзякуючы крутому спуску вада хутка сыходзіць уніз, эфектна ачышчаючы чашу і не даючы распаўсюджвацца пахам. 

 

Па спосабу выпуску:
 
Пры выбары спосабу выпуску неабходна арыентавацца на размяшчэнне і месцазнаходжанне каналізацыйнай трубы, да якой будзе далучаны ўнітаз.
  • Унітаз з гарызантальным выпускам падыйдзе ў выпадку мантажу да каналізацыі, размешчанай у сцяне. Унітаз злучаецца з каналізацыйнай трубой з дапамогай гафрыраванага патрубка.
  • Унітаз з вертыкальным выпускам – аптымальны выбар, калі каналізацыйная труба сыходзіць вертыкальна ў падлогу. Такі мантаж істотна эканоміць месца ў туалетным пакоі.
  • Унітаз з касым (нахіленым) выпускам (30 градусаў адносна падлогі) аптымальна падыйдзе пры размяшчэнні каналізацыйнай трубы ў падлозе, але блізка да сцяны, так што ўнітаз з вертыкальным выпускам усталяваць няма магчымасці. Пры гэтым унітаз да каналізацыйнай трубы далучаецца з дапамогай спецыяльнага гафрыраванага патрубка.
  • Унітаз з універсальным (vario) выпускам можа быць далучаны да каналізацыі, якая знаходзіцца як у падлозе, так і ў сцяне. 

 
Змыўныя бачкі
Усе змыўныя бачкі вытворчасці завода «Будфарфор» маюць ніжні падвод вады, які забяспечвае бясшумнае напаўненне вадой. 
Бачкі камплектуюцца арматурай з кнопачным уключэннем зліва трох тыпаў:
  • аднарэжымны зліў – увесь аб’ём вады ў бачку (6–8) літраў зліваецца адразу;

  • аднарэжымны са стоп-функцыяй – зліў вады можна спыніць у любы момант паўторным націсканнем на кнопку, што дазваляе эканоміць ваду;

  • двухрэжымны зліў дазваляе дазіраваць аб’ём злітай вады, выкарыстоўваючы палавінчаты зліў (3–4 літры вады) або поўны (6–8 літраў).  
Умывальнікі
Завод «Будфарфор» вырабляе ўмывальнікі шырынёй ад 36 да 85 см. У залежнасці ад прызначэння, памеру, канструктыўных асаблівасцяў іх можна класіфікаваць па некалькіх параметрах.
 
Па віду ўсталявання:
  • мэблевыя ўмывальнікі ўсталёўваюцца на мэблевыя тумбы для ванных пакояў;
  • убудаваныя (уразныя) умывальнікі ўсталёўваюцца ў сталешніцу;
  • накладныя ўмывальнікі манціруюцца на сталешніцу;
  • умывальнікі на п’едэстал усталёўваюцца на падлогавы або кансольны п’едэстал;
  • умывальнікі на кранштэйн манціруюцца на спецыяльнае мацаванне – кранштэйн. На дадзены момант такі від мантажу выкарыстоўваецца ў асноўным для прафесійнай сантэхнікі (вакзалы, аэрапорты, офісы, салоны прыгажосці, бальніцы). У лінейцы «Керамін» такі тып вырабаў прадстаўлены хірургічным умывальнікам.

 

Па віду падводу вады:
  • з адтулінай пад змяшальнік – калі змяшальнік усталёўваецца на ўмывальнік;
  • без адтуліны пад змяшальнік – калі змяшальнік усталяваны на сцяне або з’яўляецца агульным для ваннай і ўмывальніка.
 

У лінейцы ўмывальнікаў гандлёвай маркі «Керамін» можна вылучыць:

  •  вуглавыя ўмывальнікі – манціруюцца ў вугал, чым значна эканомяць прастору памяшканняў;
  • умывальнікі-рукамыйнікі (міні) памерам да 40 см – выдатна падыходзяць для ўсталявання ў памяшканнях з вельмі абмежаванай плошчай;
  • хірургічныя ўмывальнікі – адносяцца да групы прафесійнай санітарнай керамікі, усталёўваюцца ў медыцынскіх установах, могуць выкарыстоўвацца для людзей з абмежаванымі магчымасцямі.
Бідэ
Завод «Будфарфор» вырабляе 2 тыпа бідэ:
  • падлогавыя бідэ – усталёўваюцца на падлогу і фіксуюцца пры дапамозе спецыяльных мацаванняў;

  • – кансольныя (падвесныя) бідэ – манціруюцца на сцену, на спецыяльную раму для бідэ. 

Сядзенні з накрыўкай (для ўнітазаў)
Асобная асартыментная пазіцыя завода «Будфарфор» – сядзенні з накрыўкамі для ўнітазаў, спецыяльна распрацаваныя для кожнай мадэлі ўнітаза. Усе сядзенні маюць ідэальныя параметры сумяшчэння з унітазам, сучасны і эрганамічны дызайн; выраблены з высокаякасных, экалагічна чыстых матэрыялаў.
 
Па тыпу матэрыялу, якія выкарыстоўываецца, іх можна раздзяліць на:
  • жосткія сядзенні, зробленыя з рэактапласту (дзюрапласт);
  • мяккія сядзенні, зробленыя з поліпрапілену.
Па тыпу мацавання сядзення да ўнітаза вылучаюцца:
  • сядзенні з металічным мацаваннем (жорсткія);
  • сядзенні з пластыкавым мацаваннем (мяккія);
  • сядзенні з металічным мацаваннем са спецыяльным запавольваючым зачыненне механізмам SoftClose (жорсткія). SoftClose – гэта сучасны і бяспечны механізм, які запавольвае зачыненне сядзення і накрыўкі ўнітаза. Пасля лёгкага дотыку да сядзення яно бясшумна і павольна апускаецца ўніз да ўсталявання над чашай.

Аб кампаніі

Прадукцыя

Галерэя

Партнёрам

Кар'ера

Дзе набыць